Сәбидің тісіне күтім жасаймыз
Ауыз қуысының күтімі: Тіс неліктен сондай маңызды?
Тіс асқорыту процесінің алғашқы кезеңі болып табылады және тіссіз сәби сүт пен жұмсақ, езбе тәрізді балалар тағамынан басқа ештеңені жей алмайды.
Әр тістің өзіндік міндеті бар. Олардың пішіндерінің әртүрлі болатыны да осыдан. Одан бөлек, ауыз қуысының екі жағында да бірдей қысым мен теңгерім болуы үшін әр тістің жұбы болады. Тағамды тістеп алу және шайнау – балалық шақта тәжірибе жинауды талап ететін күрделі процесс. Тіс сөйлеу мен күлу үшін де аса маңызды.
Бізде қанша тіс бар?
Сүт тістері, әдетте, алты айлық кезеңде пайда болып, шамамен алты жылдан кейін түсе бастайды. Әдетте, үш жасқа дейін балалардың көбінде 20 сүт тістен тұратын толық тіс қатары болады. Осы жастан кейін тұрақты тістер шыға бастайды. Тұрақты тістердің толық қатары 32 тістен тұрады, оның ішінде төрт ақыл тісі бар. Ақыл тістің төртеуі адамдардың барлығында дами бермейді, жеке вариация белгілі бір рөлді атқарады. Сүт тістері жақ ішінде туғанға дейін басқа сүйектер мен тіндер дамып жатқанда қалыптаса бастайды. Сондықтан баланың тісіне анасының диетасы мен оның жүктілік кезінде өзін қалай күткені өте әсер етеді.
Неге мен баланың тісінің қамын ойлауым қажет?
Кейбір адамдар баланың тіс күтімін маңызды деп санамайды, себебі олар бәрібір түсіп, олардың орнына тұрақты тістер қатары шығады. Бірақ баланың сүт тістерінің күтімі шынымен маңызды, себебі олар тұрақты тістердің қалай және қай жерге өсіп шығатынының сұлбасын жасайды. Жолы салынбаған тұрақты тістер баланың аузында дұрыс емес бағытта шығып, тіс дистопиясы мен қисаюы орын алуы мүмкін.
Өмірдің алғашқы жылдарында ауыз қуысына жасалатын жақсы гигиена тістің шіру қаупін төмендетуге көмектеседі, ол тістердің күші мен сыртқы түріне әсер етеді. Тістің шіруі жұқпалы ауру болып табылады және оның кез келген жағдайда дерлік алдын алуға болады. Дұрыс әдеттерге ерте жастан дағдыландыру – балаңыздың тісі сау болуының қамын ойлаудың ең жақсы әдісі.
Кейбір балалар басқаларына қарағанда тістің шіруіне бейім келеді. Оған сілекейдің рН әсер етуі мүмкін деп саналады. Ата-аналар баланың сілекейінің қорғаныштық қасиеттеріне қатты әсер ете алмайтындықтан, сәбидің тісінің шіруіне жол бермеу қалпына келтіру стоматологиясының қызметтеріне қарағанда оңай, арзан әрі ауыртпай жасалады.
